Xəbər verdiyimiz kimi, Bakı-Qazax magistral yolunun Şəmkir rayonu ərazisindən keçən hissəsində hərəkətdə olan "Mercedes" markalı minik avtomobili yoldan çıxaraq aşıb.
Senzor.az bildirir ki, hadisə magistralın rayonun Dəllər Cəyir kəndi ərazisindən keçən hissəsində baş verib.
Hadisə nəticəsində Tovuz rayon sakinləri - 1980-ci il təvəllüdlü Dürdanə Nəbiyeva və onun övladı, 2002-ci il təvəllüdlü Eyvaz Nəbiyev hadisə yerində ölüblər.
Qəza zamanı xəsarət alan dörd nəfər - sürücü, 1996-cı il təvəllüdlü Röyal Namazov, sərnişinlər, 1991-ci il təvəllüdlü Bahar Məmmədova, 1986-cı il təvəllüdlü Aygün Mustafayeva və 1969-cu il təvəllüdlü Mahir Bayramov xəstəxanaya yerləşdiriliblər.
Araşdırma aparılır.
**20:56
Şəmkirdə ağır qəza olub.
Senzor.az bildirir ki, hadisə Bakı-Qazax magistral yolunun rayonun ərazisindən keçən hissəsində qeydə alınıb.
Belə ki, hərəkətdə olan “Mercedes” markalı minik maşını yoldan çıxaraq aşıb.
Qəza zamanı 2 nəfər hadisə yerində ölüb, 3 nəfər xəsarət alıb.
Xəsarət alanlar xəstəxanaya yerləşdirilib.
