Məşhur aparıcı Elvin Basqallı avtomobil qəzasına düşüb.
Senzor.az-ın məlumatına görə, Kürdəmir rayonunda aparıcının özünə məxsus olan maşın buzlu yolda idarəetməni itirib. Nəticədə avtomobil bir neçə dəfə aşıb.
Qəza zamanı Elvin Basqallı ilə yanaşı, oğlu, anası və qardaşı da avtomobildə olub.
Bir az əvvəl Daxili İşlər Nazirliyi Baş Dövlət Yol Polisi İdarəsinin Hərəkətin Təhlükəsizliyinin Təbliği və İctimai Qurumlarla Əlaqə şöbəsinin rəisi Rövşən Tağıyev də jurnalistlərə bildirib ki, qəza zamanı avtomobildə dörd nəfər olub: “Qəza zamanı avtomobildə aparıcı Elvin Basqallı, qardaşı Nicat Vahid oğlu Tanrıverdiyev, Elvinin səkkiz yaşlı oğlu Ramal və Elvinin anası olub. Onlar “Hunday SantaFe” markalı, 77-GT-210 dövlət qeydiyyat nişanlı avtomobillə Kürdəmirdən Bakı istiqamətində hərəkət ediblər. Yolun buzlaşması səbəbindən, sükan arxasında olan Elvin idarəetməni itirib. Nəticədə avtomobil yolun kənarındakı beton maneəyə çıpılıb və yoldan çıxıb. Xəsarət alan yoxdur”.
