İtaliyanın şimalındakı Pistoiya şəhərində nikah mərasimi zamanı binanın döşəməsinin çökməsi nəticəsində 35 nəfər xəsarət alıb.

AZƏRTAC xəbər verir ki, qonaqlar rəqs edərkən toy məclisinin keçirildiyi məkan kimi istifadə olunan monastırın döşəməsi çöküb. Çökmə zamanı binanın içərisində üç metr diametrdə boşluq yaranıb. Hadisə nəticəsində 35 nəfər müxtəlif dərəcəli xəsarət alıb.

İnsanların təxminən dörd metr hündürlükdən yıxıldığı bildirilir. Hadisə yerinə təhlükəsizlik qüvvələri gəlib və yaralılar xəstəxanaya çatdırılıb.