İranın Kerman əyalətində yerləşən Bağin hərbi hissəsində bir əsgər odlu silahla atəş açaraq beş əsgəri öldürüb.

Senzor.az bildirir ki, bu barədə İran mətbuatı məlumat yayıb.

İran Ordusunun Cənub-Şərq Korpusunun komandanı Əmir Qulamian məlumatı təsdiqləyib.

Onun sözlərinə görə, insident bu gün yerli vaxtla 16:35-də olub. O qeyd edib ki, əsgərlərdən biri yoldaşlarına atəş açaraq 5 nəfəri qətlə yetirib. Hadisəni törətməkdə şübhəli bilinən şəxs qaçıb. Hazırda onun axtarışları aparılır.