"Heydər Əliyev prospektində nəqliyyat vasitələrinin hərəkətində sıxlıq müşahidə olunur".Senzor.az bildirir ki, bu barədə Bakı Nəqliyyat Agentliyi (BNA) məlumat yayıb.
Qeyd olunub ki, şəhər mərkəzi və “Koroğlu” metro stansiyası istiqamətində əsas və köməkçi yollarda avtomobillərin hərəkəti çətinləşib.
Sıxlığın baş verən ağır yol nəqliyyat hadisəsi səbəbindən yarandığı qeyd olunub. Qəza ilə əlaqədar ASK ARENA-dan metronun "Koroğlu" stansiyası istiqamətində zolaqlar üzrə sürət həddi 20 km/saat azaldılıb.
Bakı Şəhər Dövlət Yol Polisi İdarəsinin baş inspektoru, mayor Araz Əsgərli isə bildirib ki, ərazidə yol-nəqliyyat hadisəsi baş verib, bir qadın dünyasını dəyişib: “Nizami Rayon Polis İdarəsinin əməkdaşları hadisə yerinə cəlb olunublar. İlkin istintaq hərəkətləri aparılır. Ölənin şəxsiyyəti müəyyənləşdirilir. Yolda artıq hərəkət tənzimlənib”.
