ATƏT-in Xüsusi Monitorinq Missiyasının Ukraynada olan əməkdaşı Rusiya ilə davam edən müharibədə həlak olub.Senzor.az yerli KİV-ə istinadən bildirir ki, bu barədə Ukrayna Ali Radasının AŞPA-dakı daimi nümayəndə heyətinin rəhbəri, “Xalqın xidmətçisi” fraksiyasından olan deputat Mariya Mezentseva “Facebook” səhifəsində məlumat paylaşıb.
“ATƏT-in missiyasında ilk ölüm. Rusiyanın Ukraynaya qarşı müharibəsində bir əməkdaşı həlak olub. O, 45 yaşlı qadındır”, - deputat yazıb.
Bununla yanaşı, deputat hadisənin harada və hansı şəraitdə baş verdiyini açıqlamayıb.
