Bakı-Qazax avtomobil yolunun Şəmkir rayonunun Könüllü kəndindən keçən hissəsində Gəncə-Qazax-Gəncə reysi üzrə hərəkətdə olan "Mercedes" markalı avtomobilin dünən kranla toqquşması nəticəsində xəsarət alan Tovuz rayon sakini, 1961-ci il təvəllüdlü Sahib Musayev yerləşdirildiyi xəstəxanada dünyasını dəyişib.“Report” bildirir ki, faktla bağlı cinayət işi açılıb, araşdırma aparılır.
**21:44(05.03.2022)
Bakı-Qazax avtomobil yolunda mikroavtobus kranla toqquşub, üç nəfər xəsarət alıb.
“Report” xəbər verir ki, hadisə Şəmkir rayonunun Könüllü kəndi ərazisində qeydə alınıb.
Belə ki, qəza nəticəsində rayonlar arasında sərnişin daşıyan mikroavtobusun sürücüsü, Ağstafa rayonunun Qırlı kənd sakini, 1990-cı il təvəllüdlü Əmiraslanov Bariz Mübariz oğlu, onun sərnişinləri - Tovuz rayonun Əbulbəyli kənd sakini, 1961-ci il təvəllüdlü Musayev Sahib Abbasəli oğlu və Qazax rayon sakini, 1956-cı il təvəllüdlü Əliyeva Tamara Əhməd qızı müxtəlif dərəcəli bədən xəsarətləri ilə xəstəxanaya yerləşdiriliblər. Onlardan sürücünün və T.Əliyevanın vəziyyəti orta-ağır, S.Musayevin vəziyyəti isə ağır qiymətləndirilir.
Faktla bağlı araşdırma aparılır.
