Niderlandın şimalındakı Zvolle şəhərində restorana silahlı hücum olub, iki nəfər türk öldürülüb.Bu barədə “Haber Global” məlumat yayıb.
Ölənlərin yaxınları bildiriblər ki, hadisə zamanı qətlə yetirilənlər türk dilli xəbər saytının sahibi H.T. və qardaşı A.T.-dır.
Niderland polisi açıqlamasında hadisənin “Fast food” restoranına hücum edən şəxsin atəş açması nəticəsində baş verdiyini bildirib.
Yerli mətbuatın xəbərlərinə görə, cinayətkar restorana girən kimi iki nəfərə atəş açıb, içəridəki digər müştərilər təlaş içində çölə qaçıblar.
Polis ərazidə təhlükəsizlik tədbirləri görüb və silahlı şəxsin tutulması üçün əməliyyata başlayıb.
