Türkiyədə Muğlanın Bodrum rayonunda meşə yanır.Senzor.az Türkiyə mətbuatına istinadən bildirir ki, yanğın yerli vaxtla səhər saat 05:00-da Bodrum yaxınlığındakı Yakaköy ərazisində baş verib. Güclü küləyin təsiri ilə alov meşə zonasından kol və zeytun ağaclarına yayılıb.
Hazırda yanğınsöndürənlər yanğınların bəzilərinə çata bilmirlər. Onlara yerli sakinlər dəstək verirlər.
Qeyd edək ki, Türkiyədə meşə yanğınları hər il baş verir. 2021-ci ilin yayında ən böyük meşə yanğınları Türkiyənin cənubundakı 30 əyalətdə baş vermişdi. Həmin yanğınlar nəticəsində 10 nəfər həlak olmuş, 860-dan çox insan isə xəsarətlər almışdı...
