Ağdamda yol tikintisində işləyən inşaat texnikası minaya düşüb.APA-nın xəbərinə görə, hadisə Ağdamın işğaldan azad edilmiş hissəsində baş verib.
Belə ki, Ağdam-Füzuli yolunun inşasında çalışan yol inşaatı texnikası Yusifcanlı kəndi ərazisində tank əleyhinə minaya düşüb.
Texnikanı idarə edən Alim Fərzəliyev xəsarət almayıb.
Baş Prokurorluğun Mətbuat xidmətindən faktı təsdiqləyiblər.
Bildirilib ki, faktla bağlı Ağdam Rayon Prokurorluğunda araşdırma aparılır.
