Bakının Yasamal rayonu ərazisində yol qəzası baş verib.APA bildirir ki, hadisə Bakı Dairəvi yolunun
Yasamal rayonu ərazisinə düşən hissəsində qeydə alınıb.
Belə ki, magistral şosenin birinci zolağında “Toyota” markalı avtomobil nasaz vəziyyətdə olduğu üçün dayanıb.
Nasaz maşını görən “Mercedes” markalı avtomobilin sürücüsü qəfil əyləcdən istifadə edib.
Anidən dayanan avtomobilə eyni istiqamətdə hərəkətdə olan “Opel” markalı” maşın daha sonra “Saipa” markalı nəqliyyat vasitəsi çırpılıb.
Qəza nəticəsində “Saipa”da olan bir nəfər xəsarət alıb. Yaralı xəstəxanaya yerləşdirilib.
Əraziyə Baş Dövlət Yol Polis İdarəsinin əməkdaşları cəlb edilib. Araşdırma aparılır.
