Rusiyada Saxalin İstilik Elektrik Stansiyasında yanğın baş verib.Məlumatı “RİA Novosti” yayıb.
Saxalin vilayətinin qubernatoru Valeri Limarenko bildirib ki, xilasedicilər turbinlərdən birində dam örtüyünə yayılan yanğınla mübarizə aparırlar.
Rusiya Fövqəladə Hallar Nazirliyinin Saxalin vilayəti üzrə Baş İdarəsi 30 əməkdaşın yanan binanı özbaşına tərk etdiyini bildirib.
“Saxalinenerqo” şirkəti yanğına səbəb kimi turbogeneratorlardan birinin dayanmasını göstərib.
