Şəki şəhərində xəsarətlə nəticələnən yol-nəqliyyat hadisəsi baş verib."Report"un məlumatına görə, hadisə gecə saatlarında Şəki-Qax avtomobil yolunun Şəkinin İnçə kəndindən keçən hissəsində qeydə alınıb.
Şəki sakini, 1985-ci il təvəllüdlü Ruslan Zeynalovun idarə etdiyi 90-OT-023 dövlət qeydiyyat nişanlı BMW markalı avtomobil idarəetmədən çıxaraq körpüdən çaya düşüb. Avtomobildə sıxılmış vəziyyətdə qalan sürücünü və daha bir nəfər sərnişini xilas etmək üçün əraziyə Fövqəladə Hallar Nazirliyinin Dövlət Yanğından Mühafizə Xidmətinin Qəza Xilasedici dəstəsi cəlb olunub. Avtomobildə olanlar çıxarılaraq Şəki Rayon Mərkəzi Xəstəxanasına yerləşdiriliblər.
Xəstəxanadan verilən məlumata görə, yaralıların hər ikisinin vəziyyəti ağır qiymətləndirilir.
Faktla bağlı araşdırma aparılır.
