Hacıqabulda güclü sel Pirsaatçay üzərindəki körpünü uçurub.“Report”un məlumatına görə, bu gün axşam saatlarında sel rayonun Udulu kəndində bir sıra fəsadlar törədib.
Kənd sakinlərinin bildirdiyinə görə, Pirsaatçay üzərindəki köhnə körpünün bir hissəsi yuyularaq sıradan çıxıb. Nəticədə rayon mərkəzi ilə 7 kənd arasında əlaqə müvəqqəti olaraq kəsilib.
Son məlumata görə, artıq həmin əraziyə müxtəlif təyinatlı texnika cəlb edilib, lazımi tədbirlər görülüb. Körpü artıq bərpa edilərək istifadəyə verilib.
