Azov dənizindəki Temryuk limanının sularında quru yük gəmisində yanğın qeydə alınıb.“İnterfaks”ın məlumatına görə, Türkiyəyə məxsus “Aqua” karqo gəmisində Hindistan, Azərbaycan və Türkiyədən olan 13 nəfər olub.
İlkin məlumatlara görə, gəmidəki yük taxıl olub. Yük gəmisi Vanuatu bayrağı altında üzüb.
Cənub Federal Dairəsinin fövqəladə hallar xidmətindən bildirilib ki, Krasnodar diyarının Temryuk limanı yaxınlığında gəmidə baş verən yanğın artıq söndürülüb, insident nəticəsində bir nəfər ölüb.
Yanğının ekipaj tərəfindən söndürüldüyü, kömək üçün müraciət edilmədiyi bildirilir.
