Paytaxtda kafedə 2 nəfər bıçaqlanıb.
“Qafqazinfo”nun məlumatına görə, hadisə Sabunçu rayonu ərazisindəki “Komfort Plaza” kafesində baş verib.
Belə ki, kafedə bir qrup şəxs arasında baş vermiş dava-dalaş zamanı 1992-ci il təvəllüdlü Nihad Məmmədov və 1985-ci ildə anadan olmuş Elçin Süleymanov kəsilmiş-deşilmiş xəsarətlər alıblar.
Nihad Məmmədovun xəsarətləri daha ağır olduğundan o, 3 saylı Şəhər Xəstəxanasının reanimasiya şöbəsinə yerləşdirilib.
Faktla bağlı Sabunçu Rayon Polis İdarəsində cinayət işi açılıb, araşdırma aparılır.
