“Buta Airways” aviaşirkətinin Bakı-Tbilisi marşrutu üzrə J2-9225 saylı reysini yerinə yetirən hava gəmisinin kapitanı Tbilisi hava limanı ərazisində hava şəraitinin kəskin pisləşməsi (tufan) səbəbindən uçuş hava limanına qayıtmaq qərarına gəlib.
Senzor.az bildirir ki, bu barədə “Azərbaycan Hava Yolları” QSC-nin Mətbuat xidmətindən məlumat verilib.
Təyyarə saat 23:19-da Heydər Əliyev Beynəlxalq Aeroportunda uğurla eniş edib.
Bu reysin sərnişinləri Tbilisiyə şəhərdə hava şəraiti yaxşılaşdıqdan sonra yola düşəcəklər.
