İranda Məşhəd-Yezd səfərini həyata keçirən qatar qəzaya uğrayıb.

Senzor.az yerli KİV-ə istinadən bildirir ki, hadisə yerli vaxtla saat 05:30-da Tebes şəhəri yaxınlığındakı Mezino stansiyasında baş verib.

Sərnişin qatarının yeddi vaqonundan beşi relsdən çıxıb.

Qəza nəticəsində azı 17 nəfər həyatını itirib, 50 nəfərə yaxın insan isə yaralanıb.

Hadisə yerinə 3 helikopter və 10 təcili yardım maşını göndərilib.

Ölən və yaralananların sayının artacağı istisna edilmir. Məlumata görə, hadisə zamanı qatarda 348 sərnişin olub.

Qəzanın başvermə səbəbləri araşdırılır.