İsmayıllı rayonunda ağır yol-nəqliyyat hadisəsi baş verib.

APA-nın xəbərinə görə, hadisə bu gün saat 10 radələrində rayonun Hapıtlı kəndi ərazisində qeydə alınıb. 

"VAZ 2106" markalı minik avtomobil ilə "KamAZ" markalı yük maşınının toqquşması nəticəsində İsmayıllı sakinləri - 1979-cu il təvəllüdlü Muştaqov Racu Səlim oğlu, 1997-ci il təvəllüdlü Əzizov Ayaz Nazim oğlu, 2001-ci il təvəllüdlü Ağayev Sənan Sahib oğlu və Göyçay sakini, 1994-cü il təvəllüdlü Feyzullayev Sərxan Qalib oğlu müxtəlif dərəcəli bədən xəsarətləri alıblar.

Xəsarət alanlar İsmayıllı Rayon Mərkəzi Xəstəxanasına çatdırılıblar.

Faktla bağlı İsmayıllı Rayon Polis Şöbəsi tərəfindən araşdırma aparılır.