Gədəbəydə beşi bir ailənin üzvü olmaqla 6 nəfərin xəsarət alması ilə nəticələnən yol-nəqliyyat hadisəsi olub.

"Report"un məlumatına görə, hadisə Şəmkir-Gədəbəy yolunun Gədəbəy rayon ərazisindən keçən hissəsində qeydə alınıb.

İki avtomobilin toqquşması nəticəsində Şəmkir rayon sakinləri -  1989-cu il təvəllüdlü T.Qəhrəmanov, onun həyat yoldaşı, 1994-cü il təvəllüdlü D.Qəhrəmanova, onların övladları - 2018-ci il təvəllüdlü İ.Qəhrəmanlı, 2013-cü il təvəllüdü A.Qəhrəmanlı və 2012-ci il təvəllüdlü A.Qəhrəmanlı, həmçinin digər avtomobildə olan Gədəbəy rayon sakini, 1992-ci il təvəllüdlü R.Abdullayev xəsarət alıblar

Xəsarət alanlar xəstəxanaya yerləşdiriliblər, onların vəziyyəti kafi və orta-ağır qiymətləndirilir.

Faktla bağlı araşdırmalara başlanılıb.