İyunun 19-da günorta saatlarında Rusiyanın keçmiş dövlət katibi və baş nazirinin birinci müavini, 76 yaşlı Gennadi Burbulis Bakıda vəfat edib.
Senzor.az bildirir ki, məlumatı TASS yayıb.
Turan-ın etibarlı mənbədən əldə etdiyi məlumata görə, Burbulis Bakıda otellərdən birində saunada olarkən dünyasını dəyişib.
Burbulis Bakıya beynəlxalq forumda iştirak etmək üçün gəlibmiş.
Hələlik ölüm səbəbi ilə bağlı rəsmi açıqlama verilməyib.
Xatırladaq ki, Gennadi Eduardoviç Burbulis Sovet və Rusiya dövlət-siyasət xadimi, Boris Yeltsinin prezidentliyinin əvvəlində onun ən yaxın silahdaşlarından biri idi. 1991-1992-ci illərdə dövlət katibi və Rusiya baş nazirinin birinci müavini vəzifələrində çalışmışdı.
