Tovuz rayonunda ağır yol-nəqliyyat hadisəsi olub.
"Report"un məlumatına görə, hadisə Aşağı Quşçu kəndində qeydə alınıb.
"VAZ-2106" markalı iki avtomobilin toqquşması nəticəsində 1997-ci il təvəllüdlü Hümbətov Həzirətabbas Yaşar oğlu və 2005-ci il təvəllüdlü Atayev Aykut Sahib oğlu hadisə yerində dünyalarını dəyişiblər.
Daha 3 nəfər - 2009-ci il təvəllüdlü Hüseynov Uğur Rafiq oğlu, 2001-ci il təvəllüdlü Elşən Quliyev və 2002-ci il təvəllüdlü Nurlan Abbasov müxtəlif bədən xəsarətləri alaraq xəstəxanaya yerləşdiriliblər.
Qeyd edək ki, xəsarət alanların vəziyyəti orta-ağır və ağır qiymətləndirilir.
Faktla bağlı araşdırmalara başlanılıb.
