ABŞ-ın Heylend-Park şəhərində (İllinoys ştatı) Müstəqillik Günü münasibətilə keçirilən paradda insanlara atəş açan şəxs saxlanılıb.
Senzor.az yerli KİV-ə istinadən bildirir ki, bunu şəhərin polis idarəsinin rəisi Lu Coqmen mətbuat konfransı zamanı deyib.
Onun sözlərinə görə, patrul xidmətinin əməkdaşları Çikaqo yaxınlığında daha əvvəl silahlının qaçdığı avtomobilin təsvirinə uyğun gələn bir avtomobil görüblər. “Qısa təqib” nəticəsində hüquq-mühafizə orqanlarının əməkdaşları nəqliyyat vasitəsini saxlamağa müvəffəq olublar. Şübhəli bilinən şəxs - 22 yaşlı Robert Krimo polislər tərəfindən saxlanılıb. O, dindirilmək üçün Haylend-Parkın polis idarəsinə aparılacaq.
**22:44(04.07.2022)
ABŞ-ın Çikaqo yaxınlığındakı İllinoys şəhərində Müstəqillik Günü şərəfinə keçirilən parad zamanı atışma baş verib.
Senzor.az yerli KİV-ə istinadən bildirir ki, insident parad başlayandan az sonra qeydə alınıb.
Belə ki, kimsə paradın keçirildiyi ərazinin yaxınlığındakı evlərdən birinin damından insanlara atəş açıb.
Nəticədə 6 nəfər ölüb, 24 nəfər xəsarət alıb. Hücum edən şəxs təkbaşına hərəkət edib və dalbadal onlarla atəş açıb.
Atəş açan şəxs hazırda azadlıqdadır və ehtimal ki, kamuflyaj geyimindədir. Hadisə yerində nəqliyyatın hərəkəti tamamilə dayandırılıb. Yerli sakinlərə evdə qalmaq və şəhərin mərkəzinə daxil olmamaq tapşırılıb.
