Rusiya Prezidenti Vladimir Putin Ukraynada sülhün əbədi olmasını istədiyini bildirib.
Senzor.az yerli KİV-ə istinadən bildirir ki, bu barədə o, Kremldə ABŞ Prezidentinin xüsusi nümayəndələri Stiven Uitkoff və Cared Kuşnerlə görüşü zamanı danışıb.
“Ukraynada sülhün müddətinə, onun davamlılığına və etibarlılığına gəlincə, sülhün əbədi olmasını istərdik. Hazırda hamımız döyüş bölgəsində, Rusiya ilə Ukrayna arasında sülhün bərqərar olması istəyindən danışırıq. Hörmətli cənablar, sizin indicə qeyd etdiyiniz kimi, bu sülh uzunmüddətli olmalıdır. Mən bunu təkcə təsdiqləmirəm, həm də istərdim ki, bu sülh əbədi olsun”, - Putin vurğulayıb. 
Rusiya lideri görüşdə Ukraynada xarici qoşunların yerləşdirilməsi ehtimalına da münasibət bildirib. O qeyd edib ki, Ukraynada xarici hərbi kontingentlərin yerləşdirilməsi Moskvanın milli təhlükəsizliyinə təhdid yaradır. Putin belə qüvvələrin Ukrayna ərazisində mövcudluğunun Rusiya ordusu üçün qanuni hədəf olacağını vurğulayıb.
Rusiya lideri ABŞ-ın Avropa ölkələri ilə işləməsinin vacibliyini də qeyd edib. Onun sözlərinə görə, Vaşinqton Avropa ilə dialoq aparmalı, avropalılar isə sülh, yoxsa müharibə istədiklərinə qərar verməlidirlər.(Bax:https://www.youtube.com/watch?v=SbdWpC5cS5g)
