Rusiyanın Həştərxan vilayətində yağan güclü yağışlar nəticəsində küçə və evləri su basıb.
“Qafqazinfo” bildirir ki, bu barədə Həştərxan vilayətinin qubernatoru İqor Babuşkin məlumat verib.
Onun sözlərinə görə, yağış bu gün səhər saatlarında başlayıb və təqribən 12:00-a qədər davam edib.
Həmçinin bildirilir ki, ilk növbədə avtomobillərin hərəkətinin daha intensiv olduğu ərazilərdə yağışın fəsadları aradan qaldırılır.
Ölkənin Fövqəladə Hallar Nazirliyinin bölgə üzrə nümayəndəliyinin məlumatına görə, Həştərxanda qeyri-sabit hava şəraiti sentyabrın 3-ü də davam edəcək.