Tanınmış şair və tərcüməçi Çingiz Əlioğlu bu gün səhər saatlarında 82 yaşında vəfat edib.
Senzor.az xatırladır ki, Çingiz Əli oğlu Əliyev 29 iyun 1944-cü ildə Füzuli şəhərində doğulub. 1977-ci ildən Azərbaycan Yazıçılar Birliyinin üzvü olub. 1991-ci ildə Əməkdar mədəniyyət işçisi, 2005-ci ildə isə Əməkdar incəsənət xadimi fəxri adlarına layiq görülüb.
Ədəbi yaradıcılığa 1967-ci ildə “Gənc qələmlər” toplusunda yayımlanan “Xatirələr” şeiri ilə başlayıb. Şeirlər, hekayələr, publisistik yazılar və bədii tərcümələr müəllifidir. Əsərləri müxtəlif dillərə tərcümə olunub.
Uzun illər “Gənclik” nəşriyyatında və Azərbaycan Dövlət Nəşriyyatında müxtəlif vəzifələrdə çalışıb, həmçinin Mətbuat və İnformasiya Nazirliyində nəşriyyatlar idarəsinin rəisi olub. Müxtəlif beynəlxalq ədəbi tədbirlərdə Azərbaycanı təmsil edib.
Allah rəhmət eləsin!
