ABŞ Prezidenti Donald Tramp Özbəkistana səfər etmək istəyir.

Bunu ABŞ liderinin qlobal tərəfdaşlıqlar üzrə xüsusi nümayəndəsi Paolo Zampolli “O‘zbekiston 24” telekanalına müsahibəsində deyib.

Onun sözlərinə görə, Trampın prezident kimi sıx qrafiki var, lakin Ağ Ev rəhbəri ona Özbəkistana səfər etmək istədiyini deyib.

“Ümid edirik ki, bu səfər mümkün qədər tez baş tutacaq”, – Zampolli qeyd edib.

O, səfərin konkret tarixinin hələ müəyyənləşdirilmədiyini bildirib.