Bakının Xətai rayonunda yol-nəqliyyat hadisəsi baş verib. Senzor.az-ın məlumatına görə, hadisə Ağ Şəhər ərazisində qeydə alınıb.
Hərəkətdə olan “Gelandewagen” markalı avtomobil Daxili İşlər Nazirliyinin (DİN) Post Patrul Xidmətinə (PPX) məxsus avtomobilə çırpılıb. Qəza nəticəsində avtomobildə olan polis əməkdaşı xəsarət alıb.
Bakı Şəhər Dövlət Yol Polisi İdarəsinin baş inspektoru, polis mayoru Araz Əsgərli jurnalistlərə bildirib ki, hadisə bu gün gecə saatlarında qeydə alınıb: "Yol nəqliyyat-hadisəsinin baş verməsi barədə məlumat daxil olan kimi Xətai Rayon Polis İdarəsinin əməliyyat-istintaq qrupunun əməkdaşları hadisə yerinə cəlb olunub. Hazırda qəzanın baş vermə səbəbləri araşdırılır. Xəsarətin dərəcəsindən asılı olaraq hüquqi qiymət veriləcək".
Hadisənin görüntülərini təqdim edirik:
