Güclü külək Bakıda bir sıra fəsadlar törədib.“Report” xəbər verir ki, hadisə Yasamal rayonunda, Azərbaycan Memarlıq və İnşaat Universitetinin (AzMİU) yaxınlığında qeydə alınıb.
Belə ki, güclü külək nəticəsində ağac yol kənarında dayanmış avtomobillərin üzərinə aşıb. Avtomobillərə ciddi ziyan dəyib.
Səbail rayonu ərazisində isə hərəkətdə olan yük avtomobili güclü küləyin təsirindən minik avtomobilinin üzərinə aşıb. Nəticədə hər iki avtomobilə ziyan dəyib.
Həmin rayonda güclü külək daha bir yük avtomobilini aşırıb.
Faktlarla bağlı araşdırma aparılır.
