Belarusda iki Rusiya hərbçisi həlak olub.Senzor.az bildirir ki, bu barədə Rusiya Müdafiə Nazirliyi məlumat yayıb.
Bildirilir ki, Belarusun Qrodno şəhərində döyüş hazırlığının yoxlanışı zamanı desantçılardan ikisinin paraşütü açılmayıb. Onlardan biri ehtiyat paraşütdən istifadə edərək yoldaşını xilas etməyə çalışsa da yerə qədər olan qısa məsafə buna imkan verməyib.
Hərbçilər müxtəlif dərəcəli yaralarla xəstəxanaya çatdırılsalar da, həkimlər onların həyatını xilas edə bilməyiblər.
Həlak olan hərbçilərin müqavilə ilə xidmət etdikləri bildirilir.
