Kürdəmirdə ağır yol qəzasında ölənlərin sayı 3-ə çatıb.
”Report” xəbər verir ki, ağır bədən xəsarətləri alan şəxslərdən biri xəstəxanada dünyasını dəyişib.
Bu arada qəzada ölən və xəsarət alanların kimliyi də məlum olub. Ölənlər "Mercedes"in sürücüsü Əmrahov Fariz Valeh oğlu, "VAZ-2106" markalı avtomobilin sərnişinləri İsmayılov Hamlet Həbil oğlu və Cəbrayılov Zamiq Vaqif oğlu, xəsarət alanlar isə "VAZ-2106" markalı nəqliyyat vasitəsinin sürücüsü Kərimov Sənan Vüqar oğlu və "Mercedes"in sərnişini Əmrahov Ariz Fariz oğludur.
**23:18
Kürdəmirdə ağır yol-nəqliyyat hadisəsi baş verib, ölənlər və xəsarət alanlar var.
“Report” bildirir ki, hadisə Ağsu-Kürdəmir-İmişli yolunun 33-cü kilometrliyində, rayonun Atakişili kəndindən keçən hissəsində qeydə alınıb.
Belə ki, “Mercedes-Benz” markalı minik maşını Kürdəmir istiqamətində hərəkətdə olarkən əks istiqamətdə hərəkət edən VAZ-2106 markalı avtomobillə toqquşub.
Qəza nəticəsində iki nəfər dünyasını dəyişib, iki nəfər isə müxtəlif dərəcəli ağır bədən xəsarətləri alaraq Kürdəmir Rayon Mərkəzi Xəstəxanasına çatdırılıb.
Faktla bağlı araşdırma aparılır.
