Beyləqanda yol-nəqliyyat hadisəsi zamanı üç Türkiyə vətəndaşı xəsarət alıb.
APA xəbər verir ki, Türkiyə vətəndaşı Murad Kavaklı idarə etdiyi “Mitsubishi L 200” markalı avtomobillə hərəkətdə olan zaman idarəetməni itirib və nəqliyyat vasitəsi yeni tikilən beton su kanalına aşıb.
Nəticədə sürücü, Türkiyə vətəndaşları - Kamal Çelik, Əmrə Bakıçı və Gəncə şəhər sakini Emin Məmmədov xəsarət alıblar.
DİN Mətbuat Xidməti Bərdə regional qrupunun baş inspektoru, polis kapitanı Aslan Qiyaslı bildirib ki, faktla bağlı Beyləqan Rayon Polis Şöbəsində araşdırma aparılır.
