Bakı-Sumqayıt şosesində ağır yol-nəqliyyat hadisəsi baş verib.
Senzor.az bildirir ki, hərəkətdə olan “Ford Tranzit” markalı mikroavtobus beton arakəsməyə çırpılıb.
Hadisə nəticəsində 1 nəfər ölüb, 6 nəfər yaralanıb.
Hadisə yerinə təcili tibbi yardım avtomobilləri və polis əməkdaşları cəlb olunub.
Yaralılar Sumqayıt şəhər Təcili Tibbi Yardım xəstəxanasına aparılıblar.
Onlardan dördü vəziyyətləri ağır olduğu üçün reanimasiya şöbəsinə, digər ikisi isə travmatologiya şöbəsinə yerləşdirilib.
Faktla bağlı araşdırma aparılır.
