Bakı şəhəri, Xətai rayonu, İlqar Zülfüqarov küçəsində yerləşən çoxmərtəbəli yaşayış binasındakı yanğın söndürülüb.
Senzor.az bildirir ki, bu barədə FHN-in Mətbuat Xidmətindən məlumat verilib.
Məlumata görə, dərhal əraziyə FHN-in Dövlət Yanğından Mühafizə Xidməti, Xüsusi Riskli Xilasetmə Xidməti və Bakı Regional Mərkəzinin qüvvələri cəlb olunub.
Yanğınsöndürənlərin operativ müdaxiləsi sayəsində iyirmimərtəbəli yaşayış binasının 18-ci mərtəbəsində baş vermiş yanğın genişlənməsinə imkan verilmədən qısa müddətdə söndürülüb.
Təhlükəsizlik tədbirləri çərçivəsində FHN-in qüvvələri tərəfindən sakinlər təxliyə olunub.
**01:18
Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Xətai rayonu, İlqar Zülfüqarov küçəsində yerləşən çoxmərtəbəli yaşayış binasında yanğın olması barədə ilkin məlumat daxil olub.
Senzor.az bildirir ki, məlumatla əlaqədar FHN-in Dövlət Yanğından Mühafizə Xidmətinin yanğından mühafizə bölmələri, Xüsusi Riskli Xilasetmə Xidmətinin və Bakı Regional Mərkəzinin müvafiq xilasetmə qüvvələri çağırış üzrə cəlb olunublar.
Yanğınla bağlı Daxili İşlər Nazirliyinin (DİN) 102 Zəng mərkəzinə də məlumat daxil olub.
DİN-in Mətbuat Xidmətindən bildirilib ki, məlumat üzrə aidiyyəti dövlət qurumlarının əməkdaşları ilə birgə polis əməkdaşları da əraziyə cəlb olunub.
Müvafiq təhlükəsizlik tədbirləri görülüb, xəsarət alan yoxdur.
Hazırda yanğınsöndürmə işləri həyata keçirilir.
Əlavə məlumat veriləcək.
