Bu gün səhər saat 07 radələrində şəhər istiqamətində hərəkətdə olan 10-AA-659 dövlət nömrə nişanlı “BMW” markalı minik avtomobilin yolu keçmək istəyən şəxsi vuraraq öldürdüyü barədə məlumat yayılıb.Senzor.az-ın məlumatına görə, Bakı Şəhər Dövlət Yol Polis İdarəsinin (BŞDYPİ) baş inspektoru, polis mayoru Araz Əsgərli KİV-in sorğusuna cavabında bildirib ki, piyadanı vuran maşın “AA” seriyalı deyil: “Bu gün səhər saat 07:15 radələrində Bibiheybət məscidinin yaxınlığında “Nissan X-Trail” 90-SB-966 nömrəli maşın 1974-cü il təvəllüdlü Məzahir Əliyev Ziyad oğlunu vurub. Piyada hadisə yerində dünyasını dəyişib».
A.Əsgərlinin sözlərinə görə, faktla bağlı Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma - ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb. Hadisə yerinə baxış keçirilib, sxem tərtib edilib və digər istintaq hərəkətələri həyata keçirilib. Araşdırma davam etdirilir.
DYP rəsmisi sürücülərdən və piyadalardan yol hərəkəti qaydalarına əməl etməyi, yollarda diqqətli olmağı, xüsusilə də piyadalar üçün nəzərdə tutulmamış ərazilərə keçid etməmələrini xahiş edib.
**09:58
Bakıda piyadanın ölümü ilə nəticələnən yol-nəqliyyat hadisəsi olub.
APA-nın məlumatına görə, hadisə Səbail rayonu, Yeni Salyan yolunda, Bibiheybət məscidi yaxınlığında baş verib.
Saat 07 radələrində şəhər istiqamətində hərəkətdə olan 10-AA-659 dövlət nömrə nişanlı BMW markalı minik avtomobili yolu keçmək istəyən 20-25 yaşlı gənci vurub.
Piyada hadisə yerində keçinib.
Faktla bağlı araşdırma aparılır.
