Gəncə şəhərində baş verən ağır avtomobil qəzasında ölənlərin və xəsarət alanların şəxsiyyətləri məlum olub. "Report"un məlumatına görə, qəza zamanı sürücü - 2005-ci il təvəllüdlü Nüman Əlizadə və piyada - 2008-ci il təvəllüdlü Nazlı İbrahimova ölüblğr. 2003-cü il təvəllüdlü Cavid Kazımov, 2004-cü il təvəllüdlü Elcan Əliyev və onun həmyaşıdı İlkin Bayramov xəsarət alıblar.
Faktla bağlı araşdırmalara başlanılıb.
**14:25
Gəncə şəhərində ağır avtomobil qəzası qeydə alınıb.
"Report"un məlumatına görə, hadisə yerinə təcili tibbi yardım maşınları və Dövlət Yol Polisi əməkdaşları cəlb edilib. İlkin məlumata görə, qəza nəticəsində 2 nəfər ölüb. Ölənlərdən biri piyadadır. Qeyd edilir ki, avtomobil öncə 8-ci sinif şagirdi olan Nazilə adlı piyadanı (soyadı dəqiqləşdirilir-red.) vurub, sonra idarəetmədən çıxaraq yol kənarındakı ağaca çırpılıb.
Qəza zamanı daha bir neçə nəfər xəsarət alıb.
Faktla bağlı araşdırmalara başlanılıb.
