Rusiyanın Kemerovo vilayətində şaxtada yanğın olub.Senzor.az yerli KİV-ə istinadən bildirir ki, yanğın A.D.Ruban adına şaxtada baş verib.
Son məlumata görə, kömür mədənində qalan 128 nəfər təxliyə edilib, hadisə nəticəsində həyatını itirən olmayıb.
İlkin məlumata görə, şaxtada kömür laylarının qızması nəticəsində həyəcan siqnalı işə düşüb.
Artıq vilayətin prokurorluğu şaxtada baş verən qəza ilə bağlı təhqiqata başlayıb. Prokurorluq əməkdaşları şaxtada əmək təhlükəsizliyi ilə bağlı vəziyyəti yoxlayacaqlar.
KİV-in yazdığına görə, son vaxtlar Kemerovo vilayətinin şaxtalarında iki mindən çox qanun pozuntusu aşkar edilib, onlara görə 837 inzibati iş açılıb. Bunlardan 346-sı əməyin mühafizəsi standartlarının pozulması ilə bağlıdır.
