Bakıda avtomobil Türkiyə vətəndaşını vuraraq komaya salıb."Report"un məlumatına görə, hadisə Qaradağ rayonunda qeydə alınıb.
Lökbatan qəsəbəsində avtomobil yolu keçən 46 yaşlı Akbıyık Cengiz Arslan oğlunu vurub.
Yaralı təcili tibbi yardımın köməkliyi ilə 3 saylı şəhər Klinik Xəstəxanasına çatdırılıb. Müayinə zamanı onun bədənində sınıqlar və əziklər müşahidə olunub.
Zərərçəkəndə komatik vəziyyət müşahidə edilib.
Qeyd edək ki, C.Akbıyık TIR sürücüsüdür. Hadisə onun öz avtomobilindən düşərək yolu keçərkən baş verib.
Fakt araşdırılır.
