Masazır qəsəbəsində yol qəzası baş verib.APA xəbər verir ki, hadisə Masazır dairəsində qeydə alınıb.
“Kia” markalı avtomobilin sürücüsü dairədə hərəkətdə olan “Hyundai” markalı nəqliyyat vasitəsinə yol verməyib. Nəticədə “Hyundai” qəza zamanı divara çırpılıb. Qəza zamanı iki nəfər xəsarət alıb.
“Hyundai” markalı avtomobilin xəsarət alan sürücüsü salonda sıxılıb qaldığından əraziyə FHN-in Xüsusi Riskli Xilasetmə Xidmətinin əməkdaşları cəlb edilib. Sürücü çıxarılaraq təcili təxirəsalınmaz tibbi yardım briqadasına təhvil verilib.
Abşeron Rayon Polis İdarəsinin təhqiqatçısı avtotexniki ekspertiza təyin edib.
