Gəncədə gün ərzində iki intihar hadisəsi olub.Senzor.az bildirir ki, ilk hadisə şəhərin Məhsəti qəsəbəsində qeydə alınıb.
1960-cı il təvəllüdlü E.Xanəhmədov yaşadığı evdə özünü asıb. Onun meyiti yaxınları tərəfindən asılmış vəziyyətdə tapılıb. Hadisə yerinə hüquq mühafizə orqanların əməkdaşları cəlb olunub. Kişinin hansı səbəbdən intihar etdiyi məlum deyil.
İkinci hadisə isə şəhərin Cavadxan qəsəbəsində qeydə alınıb. 27 yaşlı Vəliyev Cavid Faiq oğlu zirzəmidə özünü asaraq intihar edib.
Onun meyiti müayinə üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Gəncə şəhər şöbəsinə aparılıb.
Hər iki faktla bağlı araşdırmalara başlanılıb.
