Türkiyənin Kahramanmaraş vilayətinin Pazarcık rayonunda neft boru kəmərində partlayış baş verib.Bu barədə “Haber Global” məlumat yayıb.
Partlayışdan sonra başlayan yanğın Kahramanmaraş-Qaziantep avtomobil yoluna da keçib. Yanğın səbəbindən əraziyə çoxlu sayda yanğınsöndürən və təcili yardım maşını göndərilib.
Partlayışın miqyasının böyüməsi səbəbindən Qaziantep-Kahramanmaraş arasında magistral yol bağlanıb, nəqliyyatın hərəkəti dayanıb.
Hadisənin hansı səbəbdən baş verməsi hələ məlum deyil.
