Beyləqanda üç avtomobilin iştirakı ilə yol-nəqliyyat hadisəsi baş verib.APA-nın xəbərinə görə, hadisə Aran Qəsəbəsi - Bəhramtəpə magistral yolunun rayonun Eyvazalılar kəndindən keçən hissəsində qeydə alınıb.
Hərəkətdə olan "ZİL" markalı yük maşını "Niva" və "OKA" markalı minik maşınları ilə toqquşub. Zərbənin təsirindən yük və "Niva" markalı minik maşını yol kənarındakı su kanalına aşıb.
Qəza nəticəsində 4 nəfər (Ağcabədi rayon sakinləri-1974-cü il təvəllüdlü Səfərov Səfər Rafail oğlu, 1980-ci il təvəllüdlü Babayev Ramil Kərim oğlu, eləcə də Ağdam rayon sakini, 1969-cu il təvəllüdlü Mehtiyev Əvəz Səfər oğlu və Beyləqan rayon sakini, 1980-ci il təvəllüdlü Camalov Ceyhun Əsgər oğlu) xəsarət alıb. Onlar Beyləqan Mərkəzi Rayon Xəstəxanasına yerləşdiriliblər. Vəziyyətləri orta-ağır qiymətləndirilir.
Faktla bağlı araşdırma başlanılıb.
