Tovuzda ölümlə nəticələn ağır yol-nəqliyyat hadisəsi baş verib. Senzor.az bildirir ki, hadisə Bakı-Qazax magistralının Tovuz rayonun Əyyublu kəndindən keçən hissəsində qeydə alınıb.
Belə ki, hərəkətdə olan "VAZ-2107" markalı minik avtomobili "Shacman" markalı yük maşını ilə toqquşub. Qəza zamanı "VAZ-2107"nin sərnişini 58 yaşlı Hüseyn Məmmədov dünyasını dəyişib. Onun sıxılmış vəziyyətdə qalmış meyiti Fövqəladə Hallar Nazirliyi Yanğından Mühafizə Xidmətinin Tovuz rayon hissəsinin xüsusi xilasetmə briqadasının əməkdaşları tərəfindən deformasiyaya uğrayan avtomobildən çıxarılıb və aidiyyəti üzrə təhvil verilib.
Digər sürücü, 51 yaşlı Elçin Məmmədov müxtəlif bədən xəsarətləri ilə Tovuz rayon mərkəzi xəstəxanasına yerləşdirilib.
Faktla bağlı araşdırma aparılır.
